Shab-E-Furqat Qaza Nahin Aati

Poet

shab-e-furqat qaza nahin aati

laakh kahta huun aa nahin aati

chup hain vo sun ke shikva-e-aghyar

baat bhi to bana nahin aati

vo to va.ade pe aa chuke ai maut

tu bhi aati hai ya nahin aati

kis maraz ki dava hain aap agar

dard-e-dil ki dava nahin aati

shisha-e-dil hai kis qadar nazuk

TuTne ki sada nahin aati

ham hain azada-rau jahan men ‘nasim’

yaan havas ki hava nahin aati