Shahr Mein Baste Haiwanon Se Dar Lagta Hai

Neelma Naheed Durrani

shahr men baste haivanon se Dar lagta hai

mujh ko aise insanon se Dar lagta hai

unchi zaat ka Dhong racha kar Daste hain

unchi zaat ke shaitanon se Dar lagta hai

masjid ke hujre men bachche mar jaate hain

tere ghar ke darbanon se Dar lagta hai

aurat ghar ke chulhe se jal jaati hai

mujh ko aise zindanon se Dar lagta hai