sukun bhari
kisi khamosh jhiil ke kinare
amaltas si main
mausam-e-bahar men
mohabbat ke jazire se aati
pur-asar havaon ke jhonkon ki
guftugu sunti huun
kisi ajnabi si zaban men
kuchh an-kahe se lafz hain
kisi jaane pahchane se kirdar ki
kuchh nai nai si avaz hai
kisi sune sune se fasane ke
kuchh an-dekhe andaz hain
main dekhti huun ki kuchh nae nae se phuul
meri sharmili si tahniyon men
kuchh narangi sa rang liye hue hai
koi nashili si mahak hai
ye kaisi kahani hai
ye kya rang hai
Leave a Reply