hargiz na mire mahram-e-hamraz hue tum
aine men apne hi nazar-baz hue tum
shikva na mujhe ghair se ne yaar ki khu se
dushman mire ai tala-e-na-saz hue tum
khamyaza-kashan-e-mai ulfat ki ban aai
mai pi ke jo kal mast-e-sar-andaz hue tum
main tum ko na kahta tha ki aina na dekho
akhir hadaf-e-chashm-e-fusun-saz hue tum
dukh pahunche jo kuchh tum ko tumhari ye saza hai
kyuun us ke ‘havas’ ashiq-e-jan-baz hue tum
Leave a Reply