Nae Safar Mein Jo Pichhle Safar Ke Sathi The

Poet

na.e safar men jo pichhle safar ke sathi the

phir aa.e yaad ki us rahguzar ke sathi the

kahun bhi kya mujhe pal-bhar men jo bikher ga.e

hava ke jhonke miri umr-bhar ke sathi the

sitare TuuT ga.e os bhi bikhar si ga.i

yahi the jo miri sham-o-sahar ke sathi the

shafaq ke saath bahut der tak dikha.i diye

vo saare log jo bas rat-bhar ke sathi the

ye kaisi hijr ki shab vo bhi saath chhoḌ ga.e

jo chand-tare miri chashm-e-tar ke sathi the