Wo Wasl Ki Lazzat Mein Gum Hai Wo Soz-E-Judai Kya Jaane

Manzoor Arif

vo vasl ki lazzat men gum hai vo soz-e-juda.i kya jaane

vo rog paraya kya samjhe vo priit para.i kya jaane

parvana-e-husn ka shaida.i paapi bhanvra ras ka lobhi

chahat ko sauda.i samjhe us ko harja.i kya jaane

mahfil men jise ma.alum nahin ehsas ki karvaT kya shai hai

vo dil ki suuni vaadi men gham ki angḌa.i kya jaane

ye ḳhak-alud javan chehre gul jin ki qasmen khate hain

jo ara.ish par marta ho un ki ra.ana.i kya jaane

‘arif’ apna raz-e-ulfat yuun hai jaise munh-band kali

ye bhed zamana kya samjhe ye raaz ḳhuda.i kya jaane