Wo Tulua-E-Manzar-E-Pur-Asar Tujhe Yaad Ho Ki Na Yaad Ho

Suhaib Farooqui

vo tulua-e-manzar-e-pur-asar tujhe yaad ho ki na yaad ho

vo vida-e-shab vo na.i sahar tujhe yaad ho ki na yaad ho

kabhi chand taron men DhunDhna kabhi mah-paron men dekhna

vo talash-e-jalva-e-mo’atabar tujhe yaad ho ki na yaad ho

thiin suḳhan suḳhan tiri rif.aten vo ghazal ghazal tiri nik.haten

tha tu sher sher men jalva-gar tujhe yaad ho ki na yaad ho

vahi ashk-rez rivayaten vo vida.a ki buri sa.aten

tha ajiib manzar-e-gham-asar tujhe yaad ho ki na yaad ho

tire ghamze ghamze ka ilm tha tiri har ada se tha ashna

vo miri basarat-e-ba-ḳhabar tujhe yaad ho ki na yaad ho

tira jan-nisar tha aur huun usi tarah huun usi taur huun

main ‘suhaib’ sha.ir-e-dida-var tujhe yaad ho ki na yaad ho