Poet
aaj sunte hain ki mere ghar vo yaar aane ko hai
apne qaabu men dil-e-be-ikhtiyar aane ko hai
bulbulen hain naghma-zan phula hua hai baghban
baagh men khilti hain kaliyan kya bahar aane ko hai
dekhta huun chashm-e-nargis aaj sharmai hui
kya tumhari diid ka ummid-var aane ko hai
misl-e-tasvir-e-khayali murgh-e-bustan hain khamosh
baghban gulshan men koi dil-figar aane ko hai
ai ‘jamila’ fasl-e-gul aai chala sahra ko main
mehman ban kar mire talvon men khaar aane ko hai
Leave a Reply