Poet
karo na der jahan men jahan se aage chalo
yahan guman-e-ḳhatar hai qadam baḌha.e chalo
yahan fareb-e-nsheb-o-faraz aksar hai
ḳhuda ke vaste itna na munh uTha.e chalo
shikasta-pa huun kahin saath se na rah ja.un
mujhe bhi haath zara dosto laga.e chalo
abhi to husn-e-amal ka zamana baaqi hai
vahan ki bigḌi hui kuchh yahin bana.e chalo
idhar-udhar kahin bhar kar tarara ja na paḌe
samand-e-umr-e-ravan ko zara daba.e chalo
adam men tarsoge dard-e-jigar ko ai ‘taslim’
jo ho sake koi siine pe tiir khaa.e chalo
Leave a Reply