Hasan Akbar Kamal
dukh uThao kitne hi ghar bahar karne men
ek pal nahin lagta phuul sab bikharne men
zindagi ho kaisi bhi us se ji nahin bharta
varna sirf hota hai kitna vaqt marne men
khiḌkiyan huiin ḳhali phulon aur charaghon se
kaisa dil taḌapta hai shahr se guzarne men
vaqt zaḳhm bharta hai aur yuun bhi hota hai
umr biit jaati hai ek zaḳhm bharne men
sab ki baat dohrana yuun to rasm-e-duniya hai
lutf aur hai lekin apni baat karne men
ja basi hai vo laḌki shahr men magar ab bhi
gunjte hain giit us ke har pahaḌi jharne men
Leave a Reply