Poet
vo to hashr tha magar us ki ab vo shabahaten bhi chali ga.iin
jo rahen to shahar men kya rahen ki qayamaten bhi chali ga.iin
tire dam se thiin sabhi raunaqen vo habib the ki raqib the
vo qarabaten to ga.i hi thiin vo riqabaten bhi chali ga.iin
tira qurb garche tha jan-gusil vahi qurb tha miri zindagi
tire baad marg-o-hayat ki vo rifaqaten bhi chali ga.iin
miri aarzu thi ki jan-ba-kaf miri justuju ki nafas ba-pa
ab ai zindagi mujhe chhoḌ ja ki ye halaten bhi chali ga.iin
tu ne di jo dard ki daulaten vo ghazal ghazal na sama sakin
mire haath se tire husn ki ye virasaten bhi chali ga.iin
use dekh dekh ke sochna use soch soch ke dekhna
vo aziiz kya ki aziz-tar ka.i adaten bhi chali ga.iin
Leave a Reply