Syed Masood Hasan Masood
dard-e-dil dard-e-jigar aTh-pahar hota hai
kya hi majbur mohabbat men bashar hota hai
bahs donon men shab-e-hijr paḌi hai dekhun
aah men ya mire naale men asar hota hai
shab-e-furqat mujhe mar mar ke sahar hoti hai
shaam se haal mira nau-e-digar hota hai
vo chale a.enge ik roz kaleja thame
ham dikha denge ki nalon men asar hota hai
lab-e-rangin ka ḳhayal aata hai jis dam dil ko
meri ankhon se ravan ḳhun-e-jigar hota hai
rat-din kya ḳhalish-e-nashtar-e-gham hai ‘mas.ud’
dard kyon dil men mire aTh-pahar hota hai
Leave a Reply