ye nazm-e-gurezan hai barham-zadani pahle
zahid ki ki taraf se ho tauba-shikani pahle
phulon ke tabassum par rona abhi aata hai
dekhi hai in ankhon ne viran-chamani pahle
yuun husn ke chehre par aa.i nahin barna.i
sau shaam ke pardon men ik sub.h chhani pahle
ma.alum kise aḳhir is ḳhak-e-tamanna se
parvana uTha pahle ya sham.a bani pahle
ye aish ke hangame uḌte hue badal hain
hoti hai nigahon men har chhanv ghani pahle
ik nim-tabassum se hota hai chaman zinda
aisi nafasi sikhe ghuncha-dahani pahle
har naghma ‘nushur’ ab bhi mamnun-e-taghazzul hai
sikhla.i ghazal ne hi shirin-suḳhani pahle
Leave a Reply