ab kahan ja ke ye samjha.en ki kya hota hai
ek aansu jo sar-e-chashm-e-vafa hota hai
is guzargah men is dasht men ai jazba-e-ishq
juz tire kaun yahan abla-pa hota hai
dil ki mehrab men ik sham.a jali thi sar-e-sham
sub.h-dam matam-e-arbab-e-vafa hota hai
diip jalte hain dilon men ki chita jalti hai
ab ki divali men dekhenge ki kya hota hai
jab barasti hai tiri yaad ki rangin phuvar
phuul khilte hain dar-e-mai-kada va hota hai
Leave a Reply