poet

Na Chhuta Hath Se Yak Lahza Gareban Mera

na chhuta haath se yak lahza gareban mera

chashm-e-tar hi pe raha gosha-e-daman mera

jis taraf guzre kare ru-e-zamin ko gulzar

sair-e-gulshan se phire jab gul-e-khandan mera

khelen aapas men pari-chehra jahan zulfen khol

kaun puchhe hai vahan hal-e-pareshan mera

bakht hain shor ye apne hi ki vo naushin lab

auron ka chashma-e-haivan hai namak-dan mera

auron ki ankhon ko dekhun huun main didar-nasib

bana rone ko yahi dida-e-giryan mera

duur us lab se jo guzre hai dil-e-pur-khun par

jaane mera hi jigar aur ye dandan mera

be-ajal marta raha ishq men us ke umr bhar

kahun kis munh pe main ‘hasrat’ vo hai janan mera

More Poems

Leave a Comment