KHud Apni Mahfil Mein Tha Paraya

ḳhud apnī mahfil meñ thā parāyā

ki ek maiñ hī thā bin-bulāyā

vo jis kī ḳhātir maiñ jī rahā thā

vo pal bhī āḳhir guzār aayā

ajab thā ye ishtirāk-e-bāham

maiñ ek vahshat vo ek saayā

nigārish-e-jāñ tire liye maiñ

hazār marg-o-hayāt laayā

badan se ab ho rahā huuñ ruḳhsat

adā nahīñ kar sakā kirāya

sarāb niklā tirā ta.āqub

maiñ zindagī ko gañvā hī aayā

Leave a Comment