faza hoti ghubar-aluda suraj Dubta hota
ye nazzara bhi dilkash tha agar main thak gaya hota
nadamat sa.aten aa.iin to ye ehsas bhi jaaga
ki apni zaat ke andar bhi thoḌa sa ḳhala hota
guzishta roz o shab se aaj bhi ik rabt sa kuchh hai
vagarna shahr bhar men maara maara phir raha hota
ajab si narm anhken gandumi avaz ḳhushbuen
ye jis ka aks hain us shaḳhs ka kuchh to pata hota
masa.il jaise ab darpesh hain shayad nahin hote
agar kar-e-junun main ne saliqe se kiya hota
Leave a Reply