Manzar Naqvi
hunar-vari ko na sho.ala na raakh daagh bana
jo dil men lau hai use sher men charagh bana
vahin se ishq-e-musalsal se aa.egi ḳhushbu
alag-thalag hi sahi koi apna baagh bana
parinde baiThe hue the shajar ke pahlu men
ki shor-o-ghul ka sabab ek ghol-e-zagh bana
bana raha huun main ik naqsh teri chahat ka
kabhi to dil ye bana hai kabhi dimagh bana
usi ke naam ki taḳhti ne rahnuma.i ki
vahi to gum-shuda ‘manzar’ ka ik suragh bana
Leave a Reply