jatate rahte hain ye hadse zamane ke
ki tinke jama karen phir na ashiyane ke
sabab ye hote hain har sub.h baagh jaane ke
sabaq paḌhate hain kaliyon ko muskurane ke
hazaron ishq-e-junun-ḳhez ke bane qisse
varaq hue jo pareshan mire fasane ke
hain e’tibar se kitne gire hue dekha
isi zamane men qisse isi zamane ke
qarar-e-jalva-numa.i hua hai farda par
ye tuul dekhiye ik muḳhtasar zamane ke
na phuul murgh-e-chaman apni ḳhush-nava.i par
javab hain mire naale tire tarane ke
usi ki ḳhaak hai mathe ki zeb banda-navaz
jabin pe naqsh paḌe hain jis astane ke
Leave a Reply