di gavahi lahu ki dharon ne
paanv chume hain ḳharzaron ne
saath chhoḌa na ghamgusaron ne
maar Daala mujhe saharon ne
kis ne luuTe maze baharon ke
ham ko luuTa hai ḳhud baharon ne
ghar saja.e chaman ujaaḌ diya
gul khila.e fareb-karon ne
ab kahen bhi to kya kisi se kahen
kaaT di raat gham ke maron ne
dil se parde uTha.e hain kya kya
aaj baiThe hue mazaron ne
aḳhirash nazr kar diya ‘jarrar’
apni janon ko haq-guzaron ne
Leave a Reply