dekho to jaan tum kuun manate hain kab seti
bolo khuda ke vaste tuk laal lab seti
mukhda tira hai jaan ye achraj tira ka chand
rozana aur khuub jhalakta hai shab seti
zulfan kuun kah ki dil kuun karen aap men siin duur
ye pech-o-tab un kuun hai us ke taab seti
dast-e-salam sar ke upar naqsh-e-pa hai ab
har-chand khak-e-rah hua huun adab seti
paani men duub aag men jal kar maro pe ek
ashiq na ho pukar ke kahta huun sab seti
harjaiyo har ek siin lalach nahin hai khuub
hai bhiik maang khana bhala is kasab seti
bandha hai barg-e-tak ka kyuun sar pe sehra
kiya ‘abru’ ka byaah hai bint-ul-enab seti
Leave a Reply