Amir Hamza Saqib
nizam-e-bast-o-kushad-e-mani sanvarte hain
ham apne sheron men tera paikar utarte hain
ajab tilismi fiza hai saari bala.en chup hain
ye kis bayaban men raat din ham guzarte hain
ghubar-e-duniya men gum hai jab se savar-e-vahshat
atash atash dasht o koh o dariya pukarte hain
musafiran-e-guman rahen kyuun kamar-ḳhamida
chalo ye pushtara-e-tamanna utarte hain
jabin-e-ahl-e-gharaz pe koi mukalima kya
jahan tahan hajaton ki jholi pasarte hain
Leave a Reply