Poet
chand taron ne bhi jab raḳht-e-safar khola hai
ham ne har sub.h ik ummid pe dar khola hai
main bhaTakta raha saḌkon pe tiri basti men
kab kisi ne meri ḳhatir koi ghar khola hai
ho ga.i aur bhi rangin tiri yadon ki bahar
khilte phulon ne mira zaḳhm-e-jigar khola hai
un ki palkon se gire TuuT ke kuchh taj-mahal
niind se chaunk ke jab dida-e-tar khola hai
yaar mera to muqaddar hai vo chadar jis ne
paanv khole hain kabhi aur kabhi sar khola hai
raat bhari kaTi shayad ga.e din lauT aa.e
shams’ ne parcham-e-ummid-e-sahar khola hai
Leave a Reply