Hamrah Mere Koi Musafir Na Chala Tha

hamrah mire koi musafir na chala tha

dhoka mujhe khud apni hi aahat se hua tha

masdud hui jis ki har ik raah sarasar

us saf men mujhe la ke khada kis ne kiya tha

jumbish hi se honton ki jo kuchh samjho to samjho

us gung mahl men to bas itna hi rava tha

tamir hue ghar to gae jaane kahan vo

jin khana-ba-doshon ka yahan khema laga tha

dhundlae khad-o-khal gar us ke to ajab kya

dekhe hue yuun bhi use yug biit gaya tha

shab shola-ba-daman to sahar sokhta-saman

do ruup badalta tha ajab vo bhi diya tha

Leave a Comment