Poet
farogh-e-kasrat-e-jalva se ḳhud tamasha huun
main us ke samne baiTha huun aur tanha huun
nigah-e-shauq-o-dil muztarib hain zad-e-safar
shikasta-pa huun sar-e-rahguzar baiTha huun
baḌha.un dast-e-talab kya ki zarf maane hai
lab-e-furat khaḌa huun main aur pyasa huun
main apni zaat men ik ka.enat huun ḳhud bhi
agarche zarra huun lekin muhit-e-sahra huun
bikherta huun fazaon men qahqahe ‘at.har’
mata-e-dard ko dil men chhupa.e phirta huun
Leave a Reply