junun-e-dil na sirf itna ki ik gul pairahan tak hai
qad o gesu se apna silsila dar-o-rasan tak hai
magar ai ham-qafas kahti hai shorida-sari apni
ye rasm-e-qaid-o-zindan ek divar-e-kuhan tak hai
kahan bach kar chali ai fasl-e-gul mujh abla-pa se
mire qadmon ki gul-kari bayaban se chaman tak hai
main kya kya juraa-e-khun pi gaya paimana-e-dil men
bala-noshi miri kya ik mai-e-saghar shikan tak hai
na akhir kah saka us se mira hal-e-dil-e-sozan
mah-e-taban ki jo us ka sharik-e-anjuman tak hai
nava hai javedan ‘majruh’ jis men ruh-e-saat ho
kaha kis ne mira naghma zamane ke chalan tak hai
Leave a Reply