Ameer Qazalbash
mire haal par mehrbani kare
ḳhuda se kaho hukm-e-sani kare
main ik buund paani baḌi chiiz huun
samundar miri pasbani kare
paḌhen log tahrir-e-divar o dar
ḳhulasa miri be-zabani kare
azal se main us ke ta.aqub men huun
jo lamha mujhe ghair-fani kare
vo baḳhshe ujale kisi sub.h ko
koi shaam raushan suhani kare
mire saa.e men sab hain mere siva
koi to miri sa.ebani kare
koi hai jo baḌh ke uTha le ‘amir’
vo tesha jo patthar ko paani kare
Leave a Reply