iqra ki saughat ki surat aa
honTon par ayat ki surat aa
suukh chale hain angan ke paude
be-mausam barsat ki surat aa
shaḳh-e-yaqin ki be-samari aur main
bar-avar shub.hat ki surat aa
main parvarda tira-baḳhti ka
mere ghar to raat ki surat aa
main apni tahdid men huun mashghul
aa tausi-e-zat ki surat aa
fikr ke tira-ḳhane raushan kar
lau dete jazbat ki surat aa
raas aa.e mujh ko ujiyale kab
mub.ham imkanat ki surat aa
Leave a Reply