Parveen Shakir
apne sard kamre men
main udaas baithi huun
nim-va darichon se
nam havaen aati hain
mere jism ko chhu kar
aag si lagati hain
tera naam le le kar
mujh ko gudgudati hain
kaash mere par hote
tere paas ud aati
kaash main hava hoti
tujh ko chhu ke laut aati
main nahin magar kuchh bhi
sang dil rivajon ke
ahani hisaron men
umr-qaid ki mulzim
sirf ek ladki huun!
Leave a Reply