Aankhon Mein Haya Rakh Ke Bhi Bebak Bahut The

ankhon men haya rakh ke bhi bebak bahut the

the tere gunahgar magar paak bahut the

main apna samajhti rahi arbab-e-vafa ko

vo ghair se milte rahe chalak bahut the

ye bhi koi ulfat ka tariqa hai jahan men

rah rah ke jale hijr men ham khaak bahut the

maasum ko phir maar diya kokh men maan ki

qisse jo sune ham ne vo ghamnak bahut the

ham log ‘sabin’ narm-mizaji ke payambar

jo log mile ham se vo saffak bahut the

Leave a Comment