Ajmal Siddiqi
ro ro ke bayan karte phiro ranj-o-alam ḳhuub
hasil nahin kuchh bhi jo na ho rang-e-qalam ḳhuub
bazar men ik chiiz nahin kaam ki mere
ye shahr miri jeb ka rakhta hai bharam ḳhuub
manzil to kisi ḳhaas ko hi milti hai, varna
dekhe to sabhi ne hain mire naqsh-e-qadam ḳhuub
ye Thiik hai rishte men bandha rahta hai ab dil
is kaabe men hota tha kabhi jashn-e-sanam ḳhuub
Leave a Reply