poet

Zulf Teri Hui Kamand Mujhe

zulf teri hui kamand mujhe

is men bandha hai band band mujhe

khaak seti sajan utha ke kiya

ishq tere ne sar-buland mujhe

tere gham suun hua huun divana

na kiya nafa koi pand mujhe

nahin jag biich aur ai dilbar

vasl bin tere sud-mand mujhe

main giraftar huun tire mukh par

jag men naiin aur kuchh pasand mujhe

‘faez’ is taur se hua hai malul

tuun jalata hai jiyun sipand mujhe

More Poems

Leave a Comment