Is Tarah Dil Mein Teri Yaad Ke Paikar Aae

Poet

is tarah dil men tiri yaad ke paikar aa.e

jaise ujḌi hui basti men payambar aa.e

zaat ke gham the ki halat ke jalte saa.e

baḌhte baḌhte jo mire qad ke barabar aa.e

oḌh li main ne tiri yaad ki chadar ai dost

jab bhi sar par mire halat ke patthar aa.e

kabhi aisa bhi ho dil men ye ḳhayal aata hai

zaḳhm auron ke lage aankh miri bhar aa.e

jin ko iḳhlas ka da.ava tha vahi dost mire

astinon men chhupa.e hue ḳhanjar aa.e

apni ankhon men savalat ki bauchhar liye

kitne chehre mire maazi se nikal kar aa.e

kya bata.un ki dar-e-zehn se shahr-e-dil tak

kitne biite hue lamhat ke lashkar aa.e

muskura.un main halat ka mujrim kahla.un

ro.uun to shikvon ka ilzam mire sar aa.e

haq ki rahon men qadam jab bhi baḌhe hain ‘ḳhusrav’

raah dikhlane mujhe raah ke patthar aa.e