Hafeez Banarasi
vo to baiThe rahe sar jhuka.e hue
jaadu un ki nigahon ke chalte rahe
mushkilon ne bahut raah roki magar
jin ko manzil ki dhun thi vo chalte rahe
main unhen bhi gale se lagata raha
mere baare men jo zahr ugalte rahe
ham to qaa.em rahe apni har baat par
tum ba-rang-e-zamana badalte rahe
yaad ke jugnuon se vo aalam raha
diip bujhte rahe diip jalte rahe
ham ne daman na apna bhigoya ‘hafiz’
dil men tufan lakhon machalte rahe
Leave a Reply