mire nalon se jalte hain miri aahon se jalte hain
mire dil ke nihan-ḳhane mire hathon se jalte hain
haqiqat men masarrat ki baharen jin ko hasil hain
vahi aksar mire jhaḌte hue ḳhvabon se jalte hain
mira un se lipaT jaana vo ik lahza tasavvur tha
harif-e-dil usi dam se miri banhon se jalte hain
shab-e-gham se miri rukti ukhaḌti saans chalti hai
mire sab maut ke pyase miri raton se jalte hain
vo aḳhir kesari malbus men uryan nikal aa.e
vo khul ke ab hamare za.afaran-zaron se jalte hain
vo ḳhushbu naam jab se kar liya vird-e-zaban main ne
tabhi se itr ke tajir miri sanson se jalte hain
Leave a Reply