Mela Ram Wafa
begana-var ham se yagana badal gaya
kaisi chali hava ki zamana badal gaya
ankhen bhi dekhti hain zamane ke rang-Dhang
dil bhi samajh raha hai zamana badal gaya
badla na tha zamana agar tum na badle the
jab tum badal ga.e to zamana badal gaya
un ko dila.in yaad jab agli inayaten
vo bhi ye kah uThe ki zamana badal gaya
bas ek ai ‘vafa’ mire miTne ki der thi
mujh ko miTa chuka to zamana badal gaya
Leave a Reply