Nasir Amrohvi
kisi ke hijr men shab bhar udaas rahna hai
so mujh ko sub.h talak mahv-e-yas rahna hai
ye haal hai ki tiri diid ko tarasta huun
main sochta tha mujhe tere paas rahna hai
tumhare laakh dilase bhi ra.egan honge
us ek shaḳhs ko ta-umr udaas rahna hai
ye ziist tere sitam ki rahin hai janan
tire firaq ko is ki asaas rahna hai
so bazm-e-yar men ja kar ghazal suna.enge
nigah-e-naz men ham ko to ḳhaas rahna hai
ye aur baat ki dariya se dosti hai miri
likha hua miri qismat men pyaas rahna hai
junun-e-ishq men beja hai fikr-e-uryani
ḳhayal-e-yar ko mera libas rahna hai
Leave a Reply