Peer Akram
nik.haton men naghmagi hai rang men jhankar hai
ai mire ehsas tu kitna baḌa fankar hai
aap aa jaata huun main apne muqabil aur phir
sochta huun samne ye kaun si divar hai
samne aa.e to siine se laga luun main use
mere andar mujh se hi jo barsar-e-paikar hai
jaane kaisa hadisa guzra hai is basti pe aaj
suuni suuni har gali sunsan har bazar hai
ho jo apna mudda.a ‘akram’ to lab-basta rahe
vo to divana ba-kar-e-digaran hushyar hai
Leave a Reply