tum le ke apne haath men ḳhanjar na dekhna
aur dekhna to tan pe mire sar na dekhna
dushman bhi mere saath hi aata hai bazm men
tum ko qasam hai aankh utha kar na dekhna
gar dekhte nahin ho nadamat se jaur ki
tum ab to dekh lo dam-e-mahshar na dekhna
dil par rahegi naqsh ye be-mehriyan tiri
jaana aur is tarah se ki mud kar na dekhna
‘mail’ jo tauba karte ho kaisa hi abr ho
phir aankh utha ke shisha-o-saghar na dekhna