Poet
guzri thi ek baar jo dil ki gali se main
do-char aaj bhi huun usi be-kali se main
be-zar is qadar huun gham-e-ashiqi se main
mujh se zara ḳhafa hai ḳhushi aur ḳhushi se main
nikli huun jab se DhunDne be-laus chahaten
dhoka hi kha rahi huun baḌi sadgi se main
ma.adum us ki aankh se pahchan ho ga.i
jaise ki mill rahi thi kisi ajnabi se main
jins-e-vafa jahan men nayab kyon hui
ro ro ke puchhti rahi har aadmi se main
apni ḳhushi se vaise basar to na kar saki
naraz bhi nahin huun magar zindagi se main
main ne bhi saaf lafzon men gham se ye kah diya
pichha chhuḌa ke aa.i huun afsurdagi se main
mai-ḳhana chal ke rind ka ḳhud puchhta hai haal
manus is tarah se huun ab mai-kashi se main
jam-o-subu nahin tiri ankhon se ab pila
ai saaqi mar na ja.un kahin tishnagi se main
Leave a Reply