ishq men gham ke siva koi ḳhushi dekhi nahin
zindagi shayan-e-lutf-e-zindagi dekhi nahin
un ḳhizan-saman baharon ko baharen kyuun kahun
kya kabhi main ne chaman ki dilkashi dekhi nahin
uf vo ankhen marte dam tak jo rahi hain ashk-bar
haa.e vo lab umr bhar jin par hansi dekhi nahin
tak raha huun naza.a men yuun un ki surat baar baar
zindagi men jaise ye surat kabhi dekhi nahin
vo Dare mahshar-ba-daman talḳhi-e-mahaul se
jis ne un nazron ki shan-e-barhami dekhi nahin
baḌh gaya hai kis qadar tarikiyon ka silsila
ba-vujud-e-sub.h-e-raushan raushni dekhi nahin
Leave a Reply