Noor N Sahir
jo tere saath guzari vo raat le aaya
main apne ḳhvab sabhi apne saath le aaya
main phir se roya bahut giḌgiḌaya bhi lekin
main phir se dar se tire ḳhali haath le aaya
bahut amiir tha lekin main ab bhikari huun
na jaane kaun miri ka.enat le aaya
vo jis ko main ne banaya tha apna hisse-dar
vahi to nuur mira hissa saath le aaya
akele-pan ki aziyyat main janta huun ‘nur’
isi liye main qalam aur davat le aaya
Leave a Reply