vo taḌap jaa.e ishara koi aisa dena
us ko ḳhat likhna to mera bhi havala dena
apni tasvir banaoge to hoga ehsas
kitna dushvar hai ḳhud ko koi chehra dena
is qayamat ki jab us shaḳhs ko ankhen di hain
ai ḳhuda ḳhvab bhi dena to sunahra dena
apni tarif to mahbub ki kamzori hai
ab ke milna to use ek qasida dena
hai yahi rasm baḌe shahron men vaqt-e-ruḳhsat
haath kaafi hai hava men yahan lahra dena
in ko kya qile ke andar ki fazaon ka pata
ye nigahban hain in ko to hai pahra dena
patte patte pe na.i rut ke ye likh den ‘az.har’
dhuup men jalte hue jismon ko saaya dena
Leave a Reply