poet

Har Aashna Se Us Bin Begana Ho Raha Hun

har ashna se us bin begana ho raha huun

majlis men shama-ru ki parvana ho raha huun

mujh ko malamat-e-khalq khatir men nahin hargiz

zulfan ki fikr men main divana ho raha huun

saaqi sharab-o-saghar ab chahta nahin huun

us ke khayal suun main mastana ho raha huun

us ke khayal suun main tanha-nashin huun daaim

vahshi sa main saban suun begana ho raha huun

dekh us ki lat ka phanda bhula huun ab-o-dana

‘faez’ asiir us ka be-dana ho raha huun

More Poems

Leave a Comment