Alam Ko Apne Ba-Waqar Karo

alam ko apne bā-vaqār karo

jāhiloñ meñ mirā shumār karo

dost sab kaam kar chuke apnā

sochte kyā ho tum bhī vaar karo

fan kise chāhiye so aise meñ

bas tarannum kā kārobār karo

pagḌī aa.ī to sar bhī aa.egā

aur kuchh der intizār karo

din meñ tā’bīreñ TūTtī dekho

raat bhar ḳhvāb kā shikār karo

bojh hai sar bhī jin ke kāñdhoñ par

aise logoñ se ḳhuub pyaar karo

tair kar log Duub jaate haiñ

Duub kar aaj dariyā paar karo

kaun ‘farhat’ vo haq-navā ‘farhat’

be-takalluf use shikār karo

Leave a Comment