Kuldeep Kumar
bas ek ḳhali sa paikar dikha.i deta hai
ye kaun ḳhvab men aksar dikha.i deta hai
bas us ke hone ka ehsas hi nahin hota
kabhi kabhi vo barabar dikha.i deta hai
main jis se milta huun ik baar dekhne ke liye
bichhaḌta hain to mukarrar dikha.i deta hai
chalo ki us pe bhi chaḌhne laga hai hijr ka rang
vo ab ke pahle se behtar dikha.i deta hai
bichhaḌ ke jaata kahan hai vo aankh khulte hi
jo mujh ko ḳhvab men shab bhar dikha.i deta hai
ye log kaise bhi is dasht ke nahin lagte
sabhi ki ankhon men ik ghar dikha.i deta hai
Leave a Reply