Logon Ne Hum Ko Shahr Ka Qazi Bana Diya

Shuja Khaavar

logon ne ham ko shahr ka qaazi bana diya

is hadse ne ham ko namazi bana diya

tum ko kaha jo chand to tum duur ho ga.e

tashbih ko bhi tum ne majazi bana diya

ek aur din ki shaam kisi tarh ho ga.i

kuchh de-dila ke haal ko maazi bana diya

bughz-e-muaviya men sabhi ek ho ga.e

is ittihad ne mujhe naazi bana diya

ḳhali alamaton se ma.ani nikal kar

tanqid ko bhi sho.abda-bazi bana diya