Logon Ne Hum Ko Shahr Ka Qazi Bana Diya

logoñ ne ham ko shahr kā qaazī banā diyā

is hādse ne ham ko namāzī banā diyā

tum ko kahā jo chāñd to tum duur ho ga.e

tashbīh ko bhī tum ne majāzī banā diyā

ek aur din kī shaam kisī tarh ho ga.ī

kuchh de-dilā ke haal ko maazī banā diyā

buġhz-e-muāviya meñ sabhī ek ho ga.e

is ittihād ne mujhe naazī banā diyā

ḳhālī alāmatoñ se ma.ānī nikāl kar

tanqīd ko bhī sho.abda-bāzī banā diyā

Leave a Comment