agar nachun nahin to paanv mere ruuTh jaate hain
agar nachun zara khul ke to ghunghru TuuT jaate hain
zamane ki ada.en dekh kar ye sochta huun main
vahan sach kyuun nahin jaate jahan tak chhuT jaate hain
jo mujh ko saath rakhna hai zara dhire se tum chalna
chalun main tez to paanv ke chhale phuuT jaate hain
kahan rukna kahan chalna zaruri hai samajh varna
jinhen paane ko ham dauḌen vo pichhe chhuT jaate hain
vo mere dil ki sab baten mujhi se jaan lete hain
hai un ke dil men kya jab puchhta huun ruuTh jaate hain
bhale hi ḳhvab kuchh dekho magar ye dhyan bhi rakhna
haqiqat se agar hon duur sapne TuuT jaate hain
Leave a Reply