hai us ki zulf se nit panja-e-adu gustakh
mira ghubar vo daman se hai kabhu gustakh
dhuan nikalun main huqqe ka khun-e-jam piyun
tire hain lab se donon mere ru-ba-ru gustakh
pala hai paani se par sar chadha hai paani ke
nadi ke saat hai kam-zarfi se kadu gustakh
satave hai dil-e-khunin ko harf-e-naseh yuun
ki jaise zakhm se hove hai gul ki bu gustakh
hansi se ghuncha ka dil subh tode hai ‘uzlat’
tu dar jo tujh se koi hove khanda-ru gustakh
Leave a Reply