Sare Aalam Mein Nur Hai Tera

saare aalam men nuur hai tera

har jagah par zuhur hai tera

sharq se gharb qaaf se ta-qaf

tazkira duur duur hai tera

dil-e-ashiq ko kyuun jalata hai

ye bhi kya koh-e-tur hai tera

main kahan aur tera naam kahan

sab karam ka vafur hai tera

shab-e-furqat ko kyuun daraz kiya

kya ye roz-e-nushur hai tera

us sitamgar ka kya karen shikva

o re dil sab qusur hai tera

rahm kar asman pe ai baari

banda-e-pur-qusur hai tera

is ko kahte hain anjum-e-asi

naam rabb-e-ghafur hai tera

Leave a Comment